العلامة
عادة ما يكون الشخص العلامة يتمتع بثقافة عالية ذكي وشديد الكفاءة ولبق في عرض وجهة نظره، وعادة يميل للسيطرة والتحكم وما يحب احد يخالف رأيه والاغلب بوجهة نظره أن الثانيين على خطأ وهو الصح....ويحب الناس تأيد على كلامه مو نقصا في الثقة ولكن عشان يبين للناس اكثر أنو انا الشخص الفاهم والعالم ببواطن الأمور ومحد قدي في هالدنيا...ويستهين باراء الآخرين ويستخف فيها ولا يحب يضيع وقته بنقاشات سخيفة لأفكار تافهة بعيونه...وطبعا عادة ما ينتهي النقاش بالتأثير على اراء الآخرين او حتى تغييرها...والاغلبية يا عزيزي العلامة ما يحبون يقولون ارائهم بحظرة وجودك....لأنك لا يمكن تتقبلها....
اكثرنا قابل العلامة في حياته والاغلبية كان هالعلامة هو دكتورهم بالجامعة او مديرهم بالشغل....وطبعا نادرا مانعترض عشان مايحصل مالا تحمد عقباه!!! عزيزي العلامة....لازم نقولك بأعلى صوت
ٍٍ
صدقني تجنب استماعك لاراء الاخرين بيخليك تخسر كثير....مرات الناس الثانية وأن كانوا اقل منك بالعلم يكون عندهم فعلا وجهة نظر تستحق انك تتنبه وتسمع لها....طلابك المتدربين تحت يدك ممكن يكون واحد منهم نابغة ويستفيد منه العالم بأجمعه وأنت بعد راح تستفيد منه....وأنت ايضا كمدير أو كموظف اعلى من غيرك...انا وأنت نعرف أنه في بعض الأحيان ما يكون عندك حل لأي موضوع يقابلك....فليش ما تعطي صغار الموظفين عندك فرصة لمهاراتهم أو ابداعتهم....أو مجرد استماع للي بيقولونه....أنتي بعد عزيزتي الاستاذة الجامعية...ما فيها شيء أن طالبة تصحح لك غلط....تررى بالأخير أنت اللي بيكون شكلك غلط خصوصا لو كانت الطالبة على حق!! مكابرتنا وموقف العلامة اللي ممكن كلنا نكون فيه موقف غبي وكثيـــــر شركات خسرت عبر التاريخ لأنها تصرفت مثل العلامة ورفضت تتبنى فكرة معينة...وبعدها ندمت على الموضوع!!
(4)
المتعالم
سعود شاب ثقيل دم...في كل مجلس يدعي انه هو اللي فاهم واللي محد قده واللي يقدر يحل امور العالم كلها لو بس يعطونه مجال..في أي سالفة تنطرح قدامه سياسية او اقتصادية او اجتماعية او نسائية حتى....نلاقي "سعود" هو الشاب المنقذ اللي يعطيكم اراءه لأنه فاهم ولأنه ساهم بحل مشاكل من هالنوع من قبل وهو في الحقيقة" هياط" لا يمت للحقيقة بصلة!! الناس صارت تكره سعود....صارت تقاطعه....محد صار يعطيه وجه....يتلامزون من وراه....وبدا يفقد الناس من حوله...وبعد ما كان نجم أي اجتماع...صار مثل الريحة الخايسة الكل يبعد عنها...سعود يطالع فينا ويسألنا وش السالفة؟؟؟....سعود بأقولك
STOP
عزيزي المتعالم أنت شخص تبالغ عشان تشد انتباه الناس لك...وتحط نفسك دائما بمواقف مالها داعي....تعاااال هنا وقولنا وش اللي حادك؟؟؟....أنت كشخصية اكيد فيه مجال تفهم فيه اكثر من غيره....ليش ما تلتزم بهالمجال وبس؟؟؟...عزيزي المتعالم بليـــــز وقف قبل ما ينتشر عند الناس انك انسان كذاب وماعندك سالفة....بكرة فعلا حتى لو صار عندك معلومة مهمة بتفيدك...محد راح يعطيك لو شوي من وقته عشان يسمعك....لأن الكل يكرررهك ومحد يقدر يحتملك...كلنا نحبك ونبي مصلحتك!!
BRB
